Dogana kap mallra të kontrabanduara në veri
Dogana e Kosovës në bashkëpunim me Policinë kanë kryer disa aksione e kontrolle në lokacione të dyshimta në afërsi të Zubin Potokut.
Bëhet e ditur se nga këto aktivitete është arritur zbulimi i katër rasteve me mallra të kontrabanduara, si dhe është sekuestruar malli si në vijim:
• Birra 30 pako x 24 copë,
• Majonez– 7 pako x 12 cope x 500ml,
• 24 komplete x 4 bidone x 5 litra – 580 litra alkool të koncentruar (Origjina Serbi).
• Pije joalkoolike– 150 komplete x 24 cope x 0.33 litra (Origjina Serbi)
• Pije joalkoolike– 202 komplete x 24 cope x 250 ml
• Automjet transportues IVECO me targa të huaja/i pazhdoganuar
“Ky veprim i përbashkët ka për qëllim zbatimin e ligjit dhe luftimin e kontrabandës në këtë pjesë. Aktivitetet e përbashkëta vazhdojnë dhe janë një shenjë e përkushtimit të vazhdueshëm të autoriteteve për sigurinë dhe ligjin në vend. Dogana e Kosovës dhe Policia e Kosovës vazhdojnë të bashkëpunojnë në përforcimin e sigurisë dhe sundimit të ligjit në territorin e vendit”, thuhet në njoftim. /Zëri