Idrizi jep lajmin e mirë për vushtrriasit: Do të falen borxhet e tatimit në pronë deri në 100 euro
Kryetari i komunës së Vushtrrisë, Ferit Idrizi, ka ndarë lajmin e mirë për të gjithë qytetarët e kësaj komune, që do t’iu falet tatimi në pronë për vitin 2023 deri në vlerën 100 euro.
Kuvendi komunal i Vauhtrrisë ka miratuar propozimin e kryetarit Ferit Idrizi për faljen e tatimit në pronë.
“Në mbledhjen e Kuvendit të Komunës së Vushtrrisë, propozova që qytetarëve vushtrrias të ju falen borxhet e tatimit në pronë deri në 100 euro. Falënderoj të gjithë asamblistët që votuan këtë propozim”, tha kryetari Idrizi.
Rritja e çmimit të tatimit në pronë kishte shkaktuar pakënaqësi në Kosovë, dhe kjo ishte bërë pas vlerësimit nga ministria e Financave.
Por kjo situatë ka gjetur zgjidhje në komunën e Vushtrrisë, pasi kryetari Idrizi ka propozuar faljen e tatimit deri në vlerën prej 100 euro.