Tahiri: Ky buxhet është elektoral, vitin e ardhshëm në zgjedhje

Projektbuxhet i vitit 2024 po diskutohet sot në Kuvendin e Kosovës.

Me këtë rast deputeti i Aleancës për Ardhmërinë e Kosovës, Besnik Tahiri, tha se ky buxhet është elektoral.

“Për shkak se ne sot një vit me kalendarin e rregullt jemi në zgjedhje. Ju po dëshironi që këto mjete që i keni bartur vit pas viti, t’i shfrytëzoni”, tha Tahiri.

Tahiri theksoi se kjo qeveri nuk e ka mbajtur asnjë premtim dhe asnjë qëndrim rreth krizës dhe zhvillimit ekonomik.

Ai shtoi se kjo qeveri i ka zbritur pagat.

Buxheti për vitin 2024 parashihet të jetë tre miliardë e 314 milionë euro.