Aksident në Malishevë, pesë të lënduar [foto]

Pesë persona janë lënduar në një aksident që ka ndodhur sonte në fshatin Dragobil të Malishevës.

Policia ka dalë në vendin e ngjarjes ku të përfshirë në aksident kanë qenë dy kamionë dhe një automjet udhëtarësh, raporton Zeri.info.

“Rreth orës 17:35 është raportuar aksident trafiku në fshatin Dragobil-Malishevë. Policia ka dalë në vendin e ngjarjes ku të përfshirë në aksident kanë qenë dy kamionë dhe një automjet udhëtarësh. Për pasojë, përveç dëmeve materiale, pesë persona kanë kërkuar ndihmë mjekësore. Rasti vazhdon të trajtohet nga Njësia Rajonale e Komunikacionit Rrugor”, ka konfirmuar zëdhënësi i policisë për rajonin e Gjakovës, Sheremet Elezaj.

Pamje nga aksidenti janë publikuar nga Organizata Vullnetare e Zjarrfikësit dhe e Shpëtimit. /Zëri