Vuk Jeremiq: Serbia s’do të hynte në BE edhe sikur ta njihte Kosovën

Kryetari i Partisë Popullore, Vuk Jeremiq, ka thënë sot se anëtarësimi i Serbisë në Zonën Ekonomike Evropiane (ZEE) është e vetmja gjë që mund të arrihet në të ardhmen dhe e vetmja gjë që i ofrohet në realitet, si dhe është “plotësisht e pamundur” që Serbia të anëtarësohet në BE në një të ardhme të parashikueshme.

Në një intervistë për Sputnik Srbija, Jeremiqi në deklaratën për shtyp të Partisë Popullore tha:

“Serbisë, megjithatë, në këtë moment po i kërkohet të vazhdojë të kultivojë iluzionin se po shkon drejt anëtarësimit në BE, pra se ne dhe Evropa pretendojmë të shkojmë drejt anëtarësimit dhe se çmimi për këtë është se Serbia e shpall Kosovën si shtet të pavarur. Prandaj është e nevojshme të refuzohet plani francezo-gjerman për pavarësinë e Kosovës”.

“Oferta e BE-së do të ishte e papranueshme edhe nëse do të na ofronin vërtet anëtarësim, e lëre më këtë pretendim”. Është e nevojshme t’u thuhet partnerëve evropianë se oferta e tyre është e papranueshme dhe se bashkëpunimi duhet të vazhdojë para së gjithash në fushën e ekonomisë, si dhe se Serbia është e gatshme të vazhdojë me reformat e brendshme, sipas shembullit të vendeve moderne evropiane”, shtoi Jeremiqi.

Jeremiqi vuri në dukje se Serbia duhet të ripërcaktojë marrëdhëniet e saj me BE-në, në mënyrë që të fillojë zyrtarisht përpjekjet për anëtarësim në EEA, e cila përfshin gjithçka që përfshin anëtarësimi në BE, përveç respektimit të politikës së jashtme dhe të sigurisë së unionit, që do të thotë se Serbia duhet të vendosë sanksione ndaj Rusise.

“Është një mënyrë serioze dhe racionale. Kjo është politika që po e ofrojmë jo vetëm në zgjedhjet e 17 dhjetorit, por edhe për dekadën në vijim, nëse mund ta zbatojmë me gjithë kompetencën diplomatike që kërkon”, tha Jeremiqi.

Jeremiqi tha se “kusht i qëndrueshmërisë për Serbinë” është që ajo të mos bëjë më kompromise në dëm të saj në politikën e jashtme.

“Plani francezo-gjerman duhet të refuzohet qartë dhe me vendosmëri dhe të ndalohet minierat e litiumit në Serbi dhe nuk mund të ketë kompromis për këtë”, tha Jeremiqi. /express