Arrestohet taksisti në Prishtinë, dyshohet se sulmoi seksualisht një femër

Një femër ka raportuar se derisa ka qenë në një taksi, shoferi i veturës e ka ngacmuar me fjalë të ndryshme, si dhe ka filluar ta prekë në pjesën e trupit (këmbë).

Në raportin ditor të Policisë së Kosovës bëhet e ditur se rasti ka ndodhur të hënën, rreth orës 19:30, në rrugën “Bill Klinton”, në Prishtinë.

Tutje bëhet e ditur se i dyshuari është arrestuar dhe pas intervistimit, me vendim të prokurorit, është dërguar në mbajtje.

“Viktima femër kosovare ka raportuar se derisa ka qenë në veturën taksi, i dyshuari mashkull kosovar – ngasësi e ka ngacmuar me fjalë të ndryshme, ka filluar ta prekë në pjesën e trupit (këmbë). I dyshuari është arrestuar dhe pas intervistimit, me vendim të prokurorit, është dërguar në mbajtje”, thuhet në raport.