Izraeli: Evakuojmë foshnjat nga Gaza, do të dërgohen në një spital më të sigurt

Foshnjat që ndodhen në spitalin Al Shifa në Gaza do të evakuohen.

Zëdhënësi i ushtrisë izraelite tha të shtunën se spitali ka kërkuar ndihmë dhe ushtria do të bëjë të mundur transportin e të vegjëlve në një spital më të sigurt.

Spitali më i madh i Gazës ka qënë në qendër të sulmeve të fundit qoftë atyre ajrore por edhe tokësore.

Tel Avivi deklaroi se Hamas ka qendra komanduese dhe tunele nen spitaleve por mohon sulmet ndaj spitalit.

Mediat ndërkombëtare raportojnë për dhjetra viktima ndërsa ministria e shëndetësisë që drejtohet nga Hamas ka njoftuar ndërprerjen e të gjitha ndërhyrjeve kirurgjikale.

Sipas këtij institucioni dy foshnja kanë ndërruar jetë ndërsa rrezikojnë të paktën 37 të tjera.

Ndërkohë të dielën pritet që kalimi Rafah në Egjipt të hapet sërish për njerëzit me pasaporta të huaja./abcnews