Haradinaj me rastin e Ditës së Veteranit: Heronjtë amerikanë janë edhe heronj të Kosovës

Kryetari i Aleancës për Ardhmërinë e Kosovës, Ramush Haradinaj me rastin e 11 Nëntorit, Ditës së Veteranëve ka thënë se duhet të përkujtojmë guximin dhe sakrificën e veteranëve të luftës së SHBA-së.

Ai tha se Kosova dhe populli i saj do të jenë përherë falënderues ndaj mbështetjes dhe kontributit të SHBA-së, raporton Zeri.info.

“Me rastin e 11 Nëntorit - Ditës së Veteranit, përkujtojmë guximin dhe sakrificën e veteranëve të luftës së Shteteve të Bashkuara të Amerikës. Ne, populli i Kosovës i jemi përjetësisht falënderues për shërbimin e tyre, shërbim i cili ndihmoi lirinë dhe paqen në botë, por sjelli lirinë edhe në Kosovë. Heronjtë amerikanë janë edhe heronj të Kosovës”, shkroi ai në Facebook. /Zëri