Sulmi në Banjskë, mbeten në paraburgim tre të dyshuarit

Tre të dyshuarit për sulmin terrorist në Banjskë të Zveçanit kanë mbetur në paraburgim.

Kjo u konfirmua nga Gjykata e Apelit.

Apeli e ka lënë në fuqi vendimin e Gjykatës Themelore të Prishtinës, për një muaj paraburgim ndaj tre të dyshuarve, Vladimir Toliq, Blagoje Spasojeviq dhe Dushan Maksimoviq.

Kështu është refuzuar ankesa e avokatëve mbrojtës të të dyshuarve.

Themelorja, më 25 shtator 2023, të dyshuarit Vladimir Toliq ia kishte caktuar paraburgimin.

Toliqi ishte i plagosur dhe ishte trajtuar në Qendrën Klinike dhe Universitare dhe pas trajtimit u dërgua në paraburgim.

Kurse, më 26 shtator 2023, kjo gjykatë ua kishte caktuar paraburgimin edhe dy të dyshuarve tjerë, Blagoje Spasojeviq dhe Dushan Maksimoviq.

Më 24 shtator, Serbia kishte kryer agresion në Kosovë.

Si pasojë e sulmit të armatosur terrorist nga një grup serb u vra rreshteri Afrim Bunjaku.

Ministri i Punëve të Brendshme, Xhelal Sveçla, i kishte publikuar pamjet e Millan Radoiçiqit.

Sveçla tha se Radoiçiqi ka qenë udhëheqës i këtij grupi terrorist. /KlanKosova