Dita e Shëndetit Mendor, Kurti: Duhet ta mbështesim njëri-tjetrin

Kryeministri i Kosovës Albin ka dalë me një mesazh me rastin e shënimit të Ditës Botërore të Shëndetit Mendor.

Ai në një postim nëë rrjetin social X (ish-Twitter) ka shkruar se në këtë Ditë Botërore të Shëndetit Mendor, dua t’u dërgoj një mesazh të përzemërt të gjithë atyre që mund të ndihen se vuajtja e tyre mbetet e fshehur nga këndvështrimi i botës.

“Dhimbja juaj nuk është vetëm valide, por pa dyshim edhe e vërtete. Ne të gjithë kemi për detyrë të kuptojmë më mirë shëndetin mendor dhe të mbështesim njëri-tjetrin”, ka shkruar Kurti.

Ndryshe, Organizata Botërore e Shëndetësisë ka përcaktuar 10 tetorin e çdo viti si Ditën Botërore të Shëndetit Mendor, si një mundësi për të rritur ndërgjegjësimin për çështjet e shëndetit mendor dhe përpjekjet e mobilizuara në mbështetje të shëndetit mendor në mbarë botën.

Këtë vit, slogani i vendosur për Ditën Botërore të Shëndetit Mendor është “Ndihma e parë psikologjike”, duke vënë theksin te ndihma e parë psikologjike dhe mbështetja që njerëzit mund të japin për personat që kalojnë një periudhë të vështirë të shëndetit mendor.

On this World Mental Health Day, I want to send a heartfelt message to all those who may feel their suffering remains hidden from the world's view: Your pain is not only valid but also undeniably real. We all have a duty to better understand mental health and support one another.

— Albin Kurti (@albinkurti) October 10, 2023