Zara prezanton imazhin e saj të ri në dyqanin kryesor në Prishtina Mall
Dyqani i ri në Qendrën Tregtare dhe Argëtuese, Prishtina Mall sjellë konceptin më të fundit të dyqanit të Zara, duke përfshirë një teknologji inovative të dizajnuara për të transformuar përvojën e klientit dhe për të integruar blerjet online dhe në dyqan. Zara ka hapur dyqanin e ri flagship në Prishtina Mall, një nga zonat më të spikatura tregtare në Prishtinë.
I vendosur në një vend kryesor brenda zhvillimit, dyqani ka gjithsej 3,136 metra katrorë. Koncepti arkitektonik është krijuar tërësisht nga studio Zara Architecture. Brendësia është kryesisht e bardhë, e pastër dhe neutrale me nuanca ngjyrash dhe ngrohtësie nga orendit prej druri dhe tonet natyrale të tekstilit, duke u prezantuar klientëve koleksionin shumëngjyrësh të markës në një hapësirë të thjeshtë, të sofistikuar dhe mirëpritës.
Dyqani shtrihet në një kat të vetëm me një hapësirë të madhe që strehon seksionet e grave, burrave dhe fëmijëve.
Modeli i integruar i dyqaneve dhe shitjeve online i Zara-s lejon që marka të përshtatet me klientët në kohë reale, duke u ofruar atyre mundësinë për të ndërvepruar me modën sipas preferencave të tyre. Dyqani ofron funksionalitetin “Store Mode” për klientët përmes aplikacionit Zara. Kjo i lejon klientët të shfletojnë artikujt në dyqan përmes aplikacionit dhe të porosisin për grumbullim në dyqan brenda dy orësh. Ata gjithashtu mund ta përdorin aplikacionin për të rezervuar dhomat e proves dhe për të gjetur artikujt në dyqan. Dyqani ka edhe karakteristika të tjera, si:
- Pika e grumbullimit të blerjeve online me një zonë të automatizuar magazinimi me kapacitet
deri në 600 porosi;
- zona e vetë shërbimit; dhe
- zona e riciklimit të kartonit të klientit.
Pas fokusimit te qëndrueshmëria e Zara-s dhe Grupit Inditex, efiçenca e energjisë dhe aplikimi i praktikave më të mira mjedisore kanë qenë prioritet si në projektimin ashtu edhe në konfigurimin ditor të menaxhimit të këtij dyqani.
RRETH ZARA-s
Historia e Zara fillon me hapjen e dyqanit të saj të parë në qytetin bregdetar spanjoll të A Coruña në vitin 1975. Duke krijuar një marrëdhënie të afwrt me klientët e saj, dizajnerët e Zara-s u përgjigjen instinktivisht nevojave të tyre me produkte të modës nëpërmjet një modeli biznesi të integruar që vendos klientin në qendër të gjithçkaje që bëjmë.
Zara është pjesë e Grupit Inditex (me markat Pull& Bear, Massimo Dutti, Bershka, Stradivarius, Oysho). Ajo gjithashtu operon në vend përmes www.zara.com, ku klientët mund të zbulojnë gjithashtu gamën e plotë të koleksioneve të grave, burrave dhe fëmijëve. Zara dhe Inditex janë të përkushtuara për të arritur neutralitetin klimatik deri në vitin 2040.