Tri vaksina të reja në kalendarin e vaksinimit

Ministri i Shëndetësisë, Arben Vitia, ka bërë të ditur se në kalendarin e vaksinimit kanë përfshirë tri vaksina të reja.

Vitia në një postim në profilin e tij zyrtar në rrjetin social Facebook, pa dhënë shumë detaje, njofton se vaksinat e reja janë ajo HPV, kundër kancerit të qafës së mitrës, kundër rotavirusit dhe vaksinën kundër pneumokokut e meningjitit.

“Kemi siguruar: Vaksinën HPV, kundër kancerit të qafës së mitrës, vaksinën kundër rotavirusit, vaksinën kundër pneumokokut e meningjitit. Pas një dekade, përditësuam kalendarin e vaksinimit. Gjashtëfishuam buxhetin për vaksina. Shtuam buxhetin për mbrojtje e parandalim”, shkroi Vitia.