Policia gjen 20 xhipa të mbushur me armatim në veri
Policia e Kosovës ka zbuluar edhe sot një sasi të konsiderueshme të armatimit në veri që dyshohet se ishte bërë gati për aksion.
Bëhet e ditur se janë gjetur rreth 20 xhipa të mbushur me armatim të llojeve të ndryshme.
Pak qaste më parë, ministri i Brendshëm, Xhelal Sveçla, ka thënë se sasia e armatimit që u zbulua nga Policia e Kosovës, janë pajisje për disa qindra sulmues të tjerë.
“Policia e Kosovës ka zbuluar një sasi të jashtëzakonshme të armatimit të rëndë këmbësorie eksploziv, logjistikë, ushqime pajisje për barrikada, lirisht mund të themi që ishin pajisje për disa qindra sulmues të tjerë”, u shpreh Sveçla.