Drashkoviq: Propaganda serbe për krimet e luftës ka rritur ndjenjën anti-evropiane në 70 për qind

Ish-zevëndëskryeministri i Serbisë në kohën e udhëheqjes së Millosheviqit, Vuk Drashkoviq, ka thënë se Serbia me propagandën për krimet e luftës të viteve 1990, e ka rritur ndjenjën anti-evropiane në 70 për qind.

Drejtori i Institutit Octopus, Agim Musliu, ka shpërndarë një video në rrjetin social “Facebook” ku Drashkoviq pohon një gjë të tillë ndërkohë që akuzon propagandën serbe.

“Ish-Zëvendëskryeministri i Serbisë, Draskoviq: ‘Serbia, me propagandën për krimet e luftës të viteve 1990, e ka rritur ndjenjën anti-evropiane në 70%! Së këndejmi, i bie që, Bashkimi Evropian është duke u mashtruar kot se Serbia do ta ndjekë një politikë të drejtë gjersa madhëron atë se çfarë ka bërë shteti serb gjatë luftërave në ish-Jugosllavi”, ka shkruar Musliu.

Kujtojmë Vuk Draskoviq është i njohur për nacionalizmin e tij edhe pse ishte kundër regjimit të Millosheviqit, i cili e kishte keqtrajtuar atë, poashtu është edhe kritik i pushtetit të Vuçiqit.