Ibrahimoviqi viziton ish-shokët e tij të skuadrës te Milani në stërvitje

Milan momentalisht është duke bërë përgatitjet e fundit para ndeshjes që e zhvillon ditën e martë në kuadër të Ligës së Kampionëve ndaj Newcastles dhe Rossonerët janë befasuar me një vizitë nga Zlatan Ibrahimoviq, i cili pak kohë më parë njoftoi tërheqjen nga futbolli.

41-vjeçari që ka shënuar 76 gola në Serie A me fanellën e Milanit, ishte parë mëngjesin e së hënës teksa kishte mbërritur në Milanello, aty ku e përcolli nga afër seancën e tyre stërvitore.

Edhe pse ai ka luajtur një rol të madh dhe ka qenë një figurë e rëndësishme për Milanin gjatë sezoneve të fundit, momentalisht ai nuk bën pjesë në stafin teknik të Stefano Piolit.

Suedezi ishte parë, sidoqoftë, duke biseduar me Piolin dhe asistentin e tij Giacomo Murelli.

Prezenca e tij para sfidës ndaj Newcastle me shumë mundësi do të jetë e mirëpritur nga kampi kuqezi pas humbjes së thellë që pësuan me rezultat 5-1 ndaj Interit në ligë.

Milani do ta fillojë rrugëtimin në Ligën e Kampionëve nesër (e martë) me fillim në orën 18:45. /telegrafi

 

Lexo edhe:

Zyrtare: Gentrit Limani rikthehet tek Llapi

Ish e dashura e përfolur e Lamine Yamal, pozon me fanellën e një lojtari tjetër të Barcelonës

Lojtari i KF Rilindja kryen me sukses operimin, klubi i uron rikthim të shpejtë në fushë