Vuçiqi pas takimit Borrellin e Lajçakun: Filluan bisedimet e vështira në Bruksel
Presidenti i Serbisë, Aleksandar Vuçiq, është deklaruar pas takimit me përfaqësuesin e lartë të BE-së për Punë të Jashtme dhe Siguri Josep Borrellin dhe të dërguarin special të BE-së Mirosllav Lajçakun.
Së pari, dy diplomatët evropianë kanë takuar presidentin e Serbisë Aleksandar Vuçiqin, nga ora 9:00, raporton Klankosova.tv.
“Bisedimet e vështira në Bruksel sapo kanë filluar”, shkroi Vuçiqi në rrjetin social Instagram.
Tani dyshja evropiane janë në takim me kryeministrin e Kosovës, Albin Kurti.
Takimi trepalësh, sipas njoftimit, do të fillojë nga ora 11:00 dhe temë diskutimi do të ketë zbatimin e Marrëveshjes për normalizimin e marrëdhënieve, e arritur gojarisht mes Kurtit dhe Vuçiqit në muajin shkurt.