Osmani përkujton viktimat e sulmit terrorist në SHBA

Janë bërë 22 vjet prejse një avion i rrëmbyer goditi qëllimisht njërën kullë të Qendrës Botërore të Tregtisë në Shtetet e Bashkuara të Amerikës.

Këtë tragjedi dhe viktimat i ka përkujtuar edhe presidentja Vjosa Osmani, e cila ka thënë se data 11 shtator 2001 ndryshoi rrjedhën e historisë përgjithmonë, raporton Zeri.info.

Osmani tha se Kosova çdo ditë përpiqet për mbrojtjen e lirisë e demokracisë, si dhe rreshtohet krah aleatëve amerikanë.

“11 shtatori i vitit 2001 ndryshoi rrjedhën e historisë përgjithmonë.

Sot, krahas aleatëve tanë amerikanë, nderojmë 3 mijë viktimat e sulmeve terroriste kundër Shteteve të Bashkuara të Amerikës, ndërsa riafirmojmë përpjekjet tona të çdoditshme në mbrojtje të lirisë e demokracisë, vlera të cilat definojnë miqësinë dhe partneritetin tonë të përhershëm”, shkroi ajo në Facebook. /Zëri