Shaqiri: Ishte kënaqësi me qenë këtu, ka qenë ëndërr për mu me luajt në “Fadil Vokrri”, kurrë s’kam me harru këtë ndeshje

Kosova ka arritur të nxjerr barazim ndaj Zvicrës në kuadër të kualifikimeve të kampionatit evropian “Euro 2024”.

Ndeshja e zhvilluar në stadiumin “Fadil Vokrri” përfundoi me rezultat 2-2

Golat për Kosovën i shënoi Vedat Muriqi (65’, 90+4), kurse për Zvicrën realizoi Freuler dhe Amir Rrahmani autogol.

Pas ndeshjes, Xherdan Shaqiri u shpreh: “Ishte kënaqësi me qenë këtu. Ka qenë ëndërr për mu me luajt këtu, në ‘Fadil Vokrri’. Stadiumi ka një emër të madh. Fadilin e kom njoftë, kam qenë i ngushtë me të. Kurrë s’kam me harru këtë ndeshje. Sonte ishte diçka speciale”.

“Terreni nuk ishte i mirë. Ka qenë vështirë pak me luajt në këtë terren. Por, edhe Kosova ka kualitet, e dimë. Ka lojtarë që munden me bo diferencën. Kështu ndodhi sonte”, deklaroi Shaqiri.

Me këtë barazim, Kosova e sheh vetën në vendin e pestë me katër pikë kurse Zvicra lidere me 11 sosh. /Zeri