Persona të maskuar grabisin 770 euro nga një pikë derivatesh në Prishtinë
Një pikë e derivateve në Prishtinë ka qenë cak i grabitjes.
Rasti ka ndodhur në rrugën “Mon Balaj” në Prishtinë të premten pasmesnate, ku ankuesit kanë njoftuar policinë se derisa ishin në vendin e punës në një pompë derivatesh, aty kanë hyrë tre persona të maskuar dhe nën kërcënimin e armës së shkurtë kanë grabitur 770 euro.
Sipas policisë, të dyshuarit pas kryerjes së veprës janë larguar me një veturë.
Rasti në hetime. /Zëri