Rohde: Procesi i Berlinit po nxit integrimin jetik ekonomik në Ballkanin Perëndimor
Ambasadori gjerman në Kosovë, Jorn Rohde, ka thënë se Procesi i Berlinit ka sjellë përfitime të prekshme në jetën e qytetarëve.
“Procesi i Berlinit po nxit integrimin jetik ekonomik midis vendeve të Ballkanit Perëndimor dhe lidhjen e tyre me BE-në. Përparimi i prekshëm i arritur përgjatë kësaj rruge përkthehet në përmirësime të rëndësishme në jetën e përditshme të njerëzve në rajon”, shkroi ambasadori gjerman.
Në 16 tetor, në kryeqytetin shqiptar Tiranë do të mbahet për herë të parë samiti i radhës i Procesit të Berlinit në një vend të Ballkanit Perëndimor.
Qëllimi i Procesit të Berlinit është thellimi i integrimit rajonal dhe udhëheqja e vendeve të Ballkanit Perëndimor drejt Bashkimit Evropian.
Kjo përfshin zhvillimin e infrastrukturës, ekonomisë, shkëmbimin rajonal e të rinjve, pajtimin dhe shkencën.
The Berlin Process is driving vital economic integration among Western Balkan nations and their connection to the EUë. The tangible progress achieved along this path translates into significant enhancements in the daily lives of the people in the region. ë #BerlinProcess pic.twitter.com/Ipy70UnEjw
— Ambassador Jörn Rohde (@GermanAmbKOS) September 7, 2023