Shpërthimi i sistemit të gazit në Lipjan, gruaja në gjendje të rëndë
Një çift bashkëshortor ka pësuar lëndime si pasojë e djegieve nga shpërthimi i sistemit me gaz të ngrohjes.
Rasti ka ndodhur pasditen e së martës në një shtëpi në një fshat të Lipjanit.
Burri dhe gruaja janë dërguar për trajtim mjekësor në Qendrën Klinike dhe Universitare të Kosovës.
Shefi i Mjekimit Intensiv, Shaqir Uka, tha për Klankosova.tv se gjendja e gruas është mjaft e rëndë.
“Një paciente (grua) është sjellë dje pasdite për trajtim në Mjekimin Intensiv. Lidhur me gjendjen e saj, ajo është mjaft e rënduar si shkak i djegieve. Ka djegie të mëdha”, tha Uka.
“Derisa burri do të sillet sot për trajtim në Intensive nga Qendra Emergjente. Lidhur me gjendjen e tij mund t’ju tregojë pasdite”, theksoi ai.