Mot me diell, temperaturat deri në 31 gradë

Instituti Hidrometeorologjik i Kosovës (IHMK) ka bërë të ditur se sot do të mbajë mot me diell, ndërkaq do të ketë rritje të lehtë të temperaturave minimale dhe maksimale.

IHMK-ja njofton se temperaturat minimale do të lëvizin ndërmjet 11 dhe 14 gradë, ndërkaq maksimalet do të jenë nga 27 deri në 31 gradë Celsius.

Sipas IHMK-së, në orët e para të ditës në shumë zona parashihet të formohet mjegulla e radiacionit, por do të jetë e paqëndrueshme, pasi gjatë ditës do të jenë prezent rrezet e diellit.

Mjegull parashihet të ketë pothuaj çdo ditë në orët e para të ditës.

Gjatë këtyre pesë ditëve të parashikimit do të fryjë erë kryesisht nga verilindja e lehtë deri mesatare.

Më poshtë jua sjellim tabelën me temperaturat minimale dhe maksimale në qytetet kryesore të vendit. /Zëri