Pamjet e një grupi të rinjsh që po enden nëpër veri me bluza të grupit famëkeq “Wagner”

Gjatë ditës së djeshme, disa të rinj mbanin bluza të grupit famëkeq Wagner.

Ata endeshin nëpër veri krahas turmës së proteuseve.

Nuk dihet nëse ata vërtetë janë pjesë e këtij grupi, apo motivet po i mbanin me qëllim në veshjet e tyre për të shkaktuar amulli tek të gjithë.

Disa pamje të siguruara nga T7 ,tregojnë lëvizjet e këtyre të rinjve të cilët mbi bluzat e tyre kanë të shtypura shenjat e “Wagner”.

Megjithatë dyshimet se grupi Wagner ndodhet në veri tash e një kohë janë ngritur para disa muajsh.

Edhe në shkurt të këtij viti, kryeministri i vendit, Albin Kurti, deklaroi se, përreth Kosovës, ekzistojnë 48 baza operative, disa prej tyre ushtarë të grupit Wagner të Rusisë, e të tjera të “Ujqërve të Natës”.

“Serbia është bërë më agresive ndaj Kosovës pas pushtimit rus [në Ukrainë]. 48 baza operative janë përreth Kosovës, prej tyre 28 baza ushtarake e 20 xhandarmëri, ku janë parë mercenarë të Ëagnerit dhe Ujqërit e Natës”, deklaroi Kurti në intervistë për “France 24”.

E ditë më parë, kur në veri situate doli jashtë kontrollit për shkak të 4 kryetarëve shqiptarë të zgjedhur nëpër komunat serbe, kompania izraelite “Terror Alarm”, në një cicërimë të saj, mbrëmë ka thënë se “Grupi terrorist Wagner është nisur për në Kosovë”.

Kompania që lëshoi njoftimin është e njohur për paralajmërimet e autoriteteve për sulmet terroriste dhe parandalimin e shumë prej tyre në kulmin e sulmeve të ISIS në Evropë të viteve 2014-2017.

Sipas “Terror Alarm”, informacioni është siguruar nga OpenSource Intelligence, përkatësisht nga monitorimi i kanalit të PMC Wagner në Telegram.

Postimi në llogarinë  e tëitterit, “Terror Alarm” e bëri pas eskalimit të situatës në Zveçan, ku grupe kriminale serbe sulmuan KFOR-in dhe Policinë e Kosovës, me ç’rast mbetën të plagosur dhjetëra pjesëtarë të KFOR-it.

Që nga e premtja, serbët në veri të Kosovës janë duke protestuar kundër kryetarëve të rinj të dalë nga zgjedhjet e 23 prillit.