Lirohet aktivisti i PDK-së që u arrestua pas aksionit ndaj ambasadorit Maritin Berishaj

Është liruar aktivisti i PDK-së, Milot Krasniqi i cili u arrestua pas një aksioni ndaj ambasadorit të Kosovës në Kroaci, Martin Berishaj gjatë hapjes së Forumit Ekonomik Kosovë – Kroaci.

Lajmin për lirimin e tij e ka bërë të ditur kryetari i PDK-së, Memli Krasniqi, i cili tha se në vend të Milotit sot do duhej të arrestohej Martin Berishaj, transmeton Zeri.info.

“Para pak çastesh është liruar aktivisti ynë, Milot Krasniqi, i cili sot u arrestua pa të drejtë dhe në mënyrë arbitrare, gjatë protesës së tij ndaj Ambasadorit Martin Berishaj. Miloti tashmë është liruar, por ai që në të vërtetë do të duhej të arrestohej sot është vetë Ambasadori Berishaj, për aferën e dyshimtë korruptive dhe për dëmin e madh që i ka shkaktuar imazhit të Kosovës”, ka shkruar Krasniqi.

Ai tutje ka vazhduar me akuzat se janë miliona euro që Ambasadori Berishaj i ka marrë nga kompania GEN-I me seli në Beograd

“Ai dhe Kryeministri Kurti, bashkëpunëtori dhe mbrojtësi i tij, nuk mund të sillen sikur nuk ka ndodhur asgjë, duke marrë pjesë nëpër aktivitete publike. Janë miliona euro që Ambasadori Berishaj i ka marrë nga kompania GEN-I me seli në Beograd, disa kallëzime penale të ngritura e dhjetëra raportime të mediave ndërkombëtare për aferën skandaloze, që kërkojnë sjelljen e tij para drejtësisë. I vetmi vend ku Martin Berishaj do të duhej të fliste është para organeve të drejtësisë, e jo nëpër konferenca. Për të vërtetën dhe llogaridhënien e plotë të kësaj afere nuk do të ndalemi deri në zbardhjen e plotë të saj!”, ka shkruar i pari i PDK-së. /Zëri