Trajneri i Serbisë refuzon të përgjigjet për fyerjet e rënda që bëri ndaj shqiptarëve

Trajneri i Serbisë, Dragan Stojkoviq, nuk ka dashur të përgjigjet në pyetjen e njërit prej gazetarit në konferencën për shtyp në lidhje me emocionet dhe reagimet e tij në ndeshjen kundër Serbisë.

Stojkoviqi u pyet për fyerjen që e kishte bërë gjatë ndeshjes, ndaj të cilës ka reaguar edhe Federata e Futbollit të Kosovës (FFK) që është ankuar tashmë në FIFA.

Megjithatë, para se Stojkoviqi të flasë, ndërhyri zyrtari i Federatës së Futbollit të Serbisë, i cili tha se konferenca ka të bëjë vetëm me futbollin dhe jo gjërat tjera.

Ndërkohë, fjalën e mori Stojkoviqi, i cili tha se nuk ka asnjë koment në lidhje me pyetjet që iu bënë: e para për fyerjen e tij dhe e dyta për ankesën e FFK-së.

“Nuk kam koment për këto dy pyetje dhe mos u zemëroni. Nuk kam përgjigje”, tha shkurt Stojkoviqi.