Zemaj: Qasja e Qeverisë në dialog e papërgjegjshme, bashkërendimi me SHBA-në rruga e vetme që garanton sukses

Deputeti i Lidhjes Demokratike të Kosovës, Armend Zemaj në emër të LDK-së tha para deputetëve të Kuvendit të Kosovës se rruga e vetme që garanton suksesin e Kosovës është bashkërendimi me Shtetet e Bashkuara të Amerikës.

Ai tha se LDK-ja ka shprehur qartë brengën për qasjen e papërgjegjshme të Qeverisë në dialog.

Zemaj më tej tha se ajo që ka ndodhur në dy javët e fundit ishte e panevojshme, e dëmshme dhe populiste.

Deputeti i LDK-së më tej shtoi se kthimi në marrëveshjen e njëjtë dhe pranimi i saj tregon qasjen joserioze dhe papërgjegjësinë e Qeverisë.

Ai tha se më tej se duhet të ketë transparencë në dialog.