Mbaheshin në Rusi që nga fillimi i konfliktit, Ukraina rikthen në atdhe 36 të burgosurit e luftës

Andriy Yermak, kreu i zyrës presidenciale të Ukrainës, ka postuar në rrjetet sociale një imazh të 36 shtetasve ukrainas të cilët janë rikthyer në atdhe pasi ishin mbajtur si të burgosur lufte në Rusi .

Mes atyre që u kthyen në një shkëmbim të robërve të luftës me Rusinë ishin ushtarë të kapur në fabrikën e çelikut Azovstal të qytetit port jugor të Mariupolit dhe një shtetas ukrainas civil.

“Nga robëria ruse u kthyen 36 shtetas ukrainas, një civil dhe 35 ushtarakë. Midis tyre janë mbrojtësit e Mariupol dhe “Azovstal”, si dhe rojet kombëtare të kapur në termocentralin bërthamor të Çernobilit në ditët e para të pushtimit”, shkroi Yermak në Twitter. /balkanweb