Itali: Identifikohet çifti shqiptar që u gjet i vdekur në banesë, autori vret veten

Një ngjarje e rëndë ka ndodhur në një familje shqiptare në Itali, ku u gjetën të vrarë burrë e grua, në një lagje jo shumë larg via Roma, në Spinea.

Sipas mediave italiane, viktimat u zbuluan pasi i kishte telefonuar vajza e gruas, e shqetësuar, pasi që pasdite nuk dëgjonte më të ëmën në celularë. Dy viktimat ishin bashkëjetues.

Në shtëpi karabinierët gjetën një armë zjarri dhe një thikë në vendin e tragjedisë dhe dyshohet se është përfshirë një person i tretë. Të dy viktimat, janë identifikuar si Mynevere Karabollaj , 37 vjeçe ( mbiemri i vajzërisë Vera Myrtaj ) dhe Flonino Merkuri 23 vjeç, i vrarë me thikë, të dy janë shqiptarë.

“Vrasësi gjendet i vdekur në kompaninë Mira” . Vrasësi i dyshuar mund të jetë ish-bashkëshorti i Mynevere Karabollaj.