Lajçak pas takimit me Bislimin: Na duhet zgjidhje urgjente për targat, dhuna apo eskalimi janë të papranueshme
Emisari i BE-së për dialogun Kosovë-Serbi, Miroslav Lajcak është deklaruar rreth takimit me zëvendëskryeministrin e Kosovës, Besnik Bislimi.
Përmes një postimi në profilin e tij zyrtar në rrjetin social Twittter, Lajçak ka bërë të ditur se temë kryesore kanë qenë raportet Kosovë-Serbi dhe gjetja e zgjidhjes për targat, shkruan “Zeri.info”.
Lajçak ndër të tjerash ka thënë se urgjentisht duhet të gjendet një zgjidhje për targat në mënyrë që të evitohet çdo përshkallëzim apo dhunë.
“Me zëvendëskryeministrin Besnik Bislimi sot diskutuam për krizën aktuale në marrëdhëniet ndërmjet Kosovës dhe Serbisë, në veçanti çështjen e targave. Ne kemi nevojë urgjente për të gjetur një zgjidhje për të garantuar sigurinë dhe stabilitetin në terren. Çdo përshkallëzim apo dhunë është e papranueshme”, ka shkruar Lajçak. /Zëri
With DPM @BislimiBesnik today, I am discussing the current crisis in the relations between Kosovo and Serbia, in particular the issue of licence plates. We urgently need to find a solution to ensure safety and stability on the ground. Any escalation or violence is unacceptable. pic.twitter.com/kofh0I1i0c
— Miroslav Lajëák (@MiroslavLajcak) November 15, 2022