Pas demantit të Sveçlës dhe Policisë, reagon OJQ “Aktiv”: U ushtrua dhunë mbi Milliçeviqin

Organizata joqeveritare “Aktiv”, po pretendon se Njësitë Speciale të Policisë së Kosovës “kanë ushtruar dhunë” mbi drejtorin e kësaj OJQ-je, Miodrag Milliçeviq.

Më herët, Policia e Kosovës si dhe ministri i Punëve të Brendshme, Xhelal Sveçla, e kanë mohuar kategorikisht që është përdorur dhunë ndaj Milliqeviqit.

Por OJQ-ja e tij vazhdoj të pretendojë pa ofruar prova.

“Ngjarja ka ndodhur rreth orës 09:30, në afërsi të vendkalimit në Jarinje, kur drejtori ekzekutiv i OJQ-së,Miodrag Milliçeviq, është ndaluar nga pjesëtarët e Njësisë Speciale të Kosovës dhe ndarë nga kolona, ku gjatë marrjes në pyetje nga një pjesëtarë i njësisë në fjalë është goditur në bark”, thuhet në pretendim.

”Njëkohësisht, nga të njëjtit pjesëtarë, Milliqeviqi iu është nënshtruar abuzimeve verbale të cilët i kanë bërtitur dhe kanë kërkuar nga ai që të “mbyll gojën” duke e pyetur “pse nuk posedon dokumente të Kosovës”, vazhdon njoftimi.

“Drejtori ekzekutiv i OJQ Aktiv, gjatë gjithë procedurës, nga ndalimi deri në marrjen në pyetje, ka bashkëpunuar plotësisht me policinë dhe nuk ka bërë asgjë për të nxitur reagimin e dhunshëm të policisë”, thuhet në komunikatën e kësaj OJQ-ve.