Deliu-Kodra: Kosova nuk i ka bindur shtetet skeptike që liberalizimin e vizave të mos e lidhin me sistemin ETIAS

Deputetja e Partisë Demokratike të Kosovës, Blerta Deliu-Kodra, ka reaguar pas raportimeve se vendimi për liberalizimin e vizave për Kosovën do të hyjë në fuqi më 1 nëntor 2023, kur do të nisë zbatimi edhe i sistemit Evropian të informimit dhe autorizimit të udhëtimit (ETIAS).

Në një postim në profilin e saj zyrtar në rrjetin social Facebook, Deliu-Kodra ka thënë se Kosova nuk e ka bindur Francën dhe shtetet tjera skeptike që vendimin për liberalizimin e vizave të mos e lidhin me këtë sistem.

“Megjithatë, duket se Kosova nuk e ka bindë Francën dhe shtetet tjera skeptike që vendimin për liberalizimin e vizave mos me lidhë me sistemin ETIAS, i cili, parashikohet me u funksionalizu në nëntor të vitit 2023”, ka shkruar mes tjerash Deliu-Kodra, përcjell “Zeri.info”.

Tutje, ka thënë se funksionalizimi i plotë i këtij sistemi është shtyrë tri herë deri më sot.