Shkrirja e akullnajave zvicerane zbulon një shteg të lashtë ecjeje

Pas verës më të nxehtë në Evropë në histori, një shteg i mbuluar zakonisht nga akulli dhe bora është zbuluar për herë të parë pas 2000 vjetësh.

Shkrirja e akullit të këtij viti ishte rreth tre herë më shumë se mesatarja 10-vjeçare.

“Dhjetë vjet më parë kam matur rreth 15 metra akull. Pra më shumë se 15 metra akull dhe borë janë shkrirë,” thotë Mauro Fischer, profesor në Institutin e Gjeografisë në Universitetin e Bernës.

Shkëmbi i zhveshur tani mund të shihet midis akullnajave Scex Rouge dhe Zanfleuron në një lartësi prej 2,800 metrash dhe kalimi pritet të ekspozohet plotësisht deri në fund të këtij muaji.

Pse akulli po shkrihet kaq dramatikisht në Alpe?

Që nga dimri i kaluar, i cili solli relativisht pak reshje dëbore, Alpet janë përshkuar nga dy valë të mëdha të të nxehtit të fillimit të verës. Jo vetëm që një verë e nxehtë dhe e thatë shkriu borën dhe akullin, por mungesa e shiut do të thotë se ka shumë pak për ta rimbushur atë.

“Ajo që pamë këtë vit dhe këtë verë është thjesht e jashtëzakonshme dhe është me të vërtetë përtej gjithçkaje që kemi matur ndonjëherë deri më tani”, shton Fischer, duke iu referuar shpejtësisë me të cilën është shkrirë akulli. /euronews