“Marre për juve” – Aziz Salihu largohet i revoltuar nga Asambleja e KOK-ut

Legjenda e boksit, Aziz Salihu, është larguar nga Asambleja e Punës 2020 dhe Asambleja e Tetë Zgjedhore e Komitetit Olimpik të Kosovës, shkruan Zeri.info.

Në Komitetin Olimpik të Kosovës sot do të votohet për Kryetarin e ri, i cili do të fitojë mandat katër vjeçar.

Në garë për pozitën e të parit të KOK-ut janë Besim Hasani (kryetar i deritanishëm), Linda Shala nga Federata e Basketbollit e Kosovës dhe Ismet Krasniqi nga Federata e Atletikës së Kosovës.

Nga kjo asamble është larguar legjenda, Aziz Salihu, i cili reagoi pasi Besim Hasani nuk e përshendeti në fjalën e tij hyrëse. /Zeri.info