Këshilltari i Kurtit i kundërpërgjigjet Grenellit: Si amerikan, jam krenar që punoj me Albinin dhe LVV-në
Këshilltari personal i Albin Kurtit, Arun Chaudhary ka reaguar ndaj ish-përfaqësuesit të posaçëm amerikan për dialogun Kosovë-Serbi, Richard Grenell, ku ky i fundit e kritikoi gjatë ditës së sotme kreu e LVV-së.
Grenelli e ka cilësuar Kurtin si anti-amerikan dhe i ka bërë thirrje presidentit aktuale të SHBA-së, Joe Biden ta ndalë atë.
“Hej Richard Grenell, ky amerikani është krenar që punon me Albin Kurtin dhe Vetëvendosjen. Aleanca jonë e palëkundshme, e bazuar në liri dhe vetëvendosje, i mbijetoi diplomacisë së pamatur të detyrimit që ndihmuat për Donald Trumpin, kështu që … të lutem ndal”, ka reaguar Chaudhary përmes llogarisë personale në "Twitter."
Grenelli ka thënë sots e Kurti është anti-amerikan.
Në një postim në rrjetin social “Twitter”, Grenelli ka thënë se Kurti ka qenë kundër politikave amerikane të sugjeruara nga ish-presidentët amerikanë si Bill Clinton, Barack Obama dhe Donald Trump. /Zëri
Hey @RichardGrenell, this American is proud to work with Albin Kurti and Vetevendosje. Our unshakable alliance, based in liberty and self-determination, survived the reckless forced diplomacy you helped midwife for Donald Trump, so like... just stop, please. https://t.co/cimkwPrCyC
— Arun Chaudhary (@ArunChaud) March 2, 2021