Skënderbeu prezanton katër përforcime, dy vijnë nga Kosova

Skuada shqiptare Skënderbeu ka prezantuar sot 4 afrimet e para në afatin kalimtar të janarit. Bëhet fjalë për dy futbollistët nga Kosova, Melos Bajrami e Leard Sadriu si dhe Vangjel Zguro e Agbodzie Abei.

Ka qenë vetë klubi korçar që nëpërmjet një njoftimi në faqen zyrtare, ka prezantuar prurjet e reja në merkato. Të 4 futbollistët e rinj bardhekuq janë bashkuar me ekipin në stërvitje.

Pogradecari Zguro është futbollist me eksperiencë në Superiore, i cili vitet e fundit i ka kaluar në futbollin amerikan.

Për sa i përket Bajramit dhe Sadiut, i pari, vjen nga radhët e klubit të Ballkanit në Kosovë, ndërsa Sadriu, vitet e fundit ka qenë pjesë e Shkëndijës së Tetovës dhe gjithashtu bën pjesë në përfaqësuesen U21 të Kosovës.

Ndërkohë futbollisti ganez Abei, aktivizohet në rolin e qendërmbrojtësit. /Zeri.info