80 prindër kërkojnë të mos mbyllet kopshti “Cambrige Kids”: Fëmijët tanë janë të lumtur aty

80 prindër kanë reaguar bashkërisht në lidhje me videon që është publikuar ku shihet se si një edukatore po ushtronte dhunë në një prej fëmijëve në atë kopsht.

Ata kanë kërkuar që të mos e mbylli kopshtin pasiqë fëmijët e tyre tanimë janë sistemuar dhe janë të lumtuar aty.

Reagimi i plotë:

Ne prindërit e “Cambridge Kids” që në masë jemi mbi 80 përqind e gjithë prindërve të kopshtit, duam që bashkërisht të reagojmë në lidhje me publikimet e fundit në media. Është publikuar një video ku shihet një edukatore teksa kryen një veprim të cilin ne të gjithë e dënojmë ashpër. Ne si prindër jemi kundër mbylljes së kopshtit sepse fëmijët tanë tashmë janë sistemuar dhe janë të lumtur brenda ambienteve të këtij kopshti.

Të gjithë ne jemi në marrëdhënie pune dhe mbyllja e kopshtit e vështirëson jetën tonë të përditshme. Pas rastit kopshti na ka ftuar në takim dhe jemi njoftuar rreth detajeve dhe masave që janë ndërmarrë, ne si prindër kemi dhënë sugjerime shtesë për kopshtin të cilat ata i kanë pranuar në tërësi. Kur kemi ardhur në kopsht ne kemi qenë në dijeni se kopshti është në proces të përpilimit të dokumentacionit për licencim dhe duke i parë kushtet ideale që ka, kemi vendosur ti sjellim fëmijët tanë dhe jemi shumë të kënaqur me trajtimin e tyre.

Një edukatore të cilën në asnjë rast nuk e arsyetojmë nuk e pasqyron punën e mrekullueshme të gjithë stafit tjetër. Ne si prindër e lutim përzemërsisht Ministrinë e Arsimit Shkencës dhe Teknologjisë që të ketë parasysh faktin që fëmijët tanë duhet të vazhdojnë kopshtin dhe se ne si
prindër të poshtëshënuar jemi të kënaqur me punën e stafit.

Fëmijët tanë nuk mund ti vendosim në kopshte tjera përderisa ata janë sistemuar dhe janë përshtatur aq mirë në kopshtin në të cilin janë. Ne jemi të mendimit që fëmijët të vazhdojmë ti dërgojmë në kopsht ndërkohë që kopshti vazhdon me procedurat e licencimit.