Prishtina 01 shkatërron Llapin, kualifikohet në finalen e Kupës së Kosovës

FC Prishtina 01 ka arritur të shënojë fitore ndaj BB Llapit edhe në ndeshjen kthyese të gjysmëfinales, kësaj radhe me rezultat 8:3.

Në ndeshjen e zhvilluar në Podujevë, skuadra prishtinase tregoi karakter dhe vendosmëri, duke dominuar nga fillimi deri në fund edhe pse kishin me vete avantazhin e ndeshjes së parë ku fituan 10:1.

Me rezultat të përgjithshëm prej 18:4, FC Prishtina 01 ka kaluar në finale të Kupës.

Kjo është hera e dytë me radhë që klubi bardhekaltër do të luajë në finale.

Kundërshtar i Prishtinës 01 në finale do të jetë Mabetex Prishtina.