Ferizaj ka një kërkesë të madhe për tifozët para ndeshjes ndaj Feronikelit

Këtë javë do të fillojë stinori pranveror i Superligës së Kosovës, shkruan zeri.info 

Ferizaj do të luajë të shtunën ndaj Feronikelit. 

Për këtë ndeshje, Ferizaj ka kërkuar përkrahje nga tifozët e tyre.

Ky është postimi i Ferizajt në rrjetin social "Facebook":

NA DUHET PËRKRAHJA JUAJ.

Këtë fundjavë fillon Superliga e Kosovës në futboll, ku skuadra jonë e pret si vendas ish-kampionin e Kosovës, KF Feronikeli. Në këtë ndeshje pikët janë shumë të rëndësishme për të dyjat skuadrat, andaj ne si klub jemi të përgatitur maksimalisht per kete takime.

Djelmoshat tanë kanë nevojë më shumë se asnjëherë më parë për mbështetjen e tifozëve, tani çdo pikë e fituar e ka vlerën shumë të madhe në misionin drejtë mbijetesës në Superligë.

Andaj të shtunën i gjithë qyteti të jemi në stadion në përkrahje të klubit tonë të zemrës, sepse vetëm të bashkuar mund t’i arrijmë synimet tona qe i kemi.

Ne si klub ju ftojmë të gjithëve të shtunën të jemi në numër sa më të madhë ne stadium, pasi djelmoshat tanë kanë nevojë për mbështetjen tuaj.

Të bashkuar jemi më të fortë.