Theret me thikë një i mitur, dy të tjerë arrestohen

Ngjarja ka ndodhur sot në orën 09:45 në rrugën “Esat Mekuli” në Pejë.

“Njësiti policor menjëherë ka dalë në vendin e ngjarjes në ora 9:45 ku edhe është gjetur viktima në vendin e ngjarjes i plagosur nga mjeti i mprehtë në këmbën e majtë në pjesën e gjurit. Me autoambulancë është dërguar në emergjencën e Spitalit Rajonal të Pejës, e pastaj nën përkujdesje mjekësore është dërguar për në QKUK në Prishtinë për trajtim të mëtejmë”, njofton policia.

Sipas mjekëve gjendja shëndetësore e viktimës është stabile dhe viktima është jashtë rrezikut për jetë. Njëri prej të miturve është arrestuar për ‘shkaktim të lëndimit të rëndë’, ndërsa tjetri për ‘fshehjen e mjetit’ me të cilin ishte shkaktuar lëndimi.

Për rastin është informuar prokurori dhe me vendim të tij, personi i parë i dyshuar ndalohet për veprën penale ‘lëndim i rëndë trupor’, ndërsa i dyshuari i dytë për veprën e ‘dhënie të ndihmës pas kryerjes së veprës penale’ lirohet në procedurë të rregullt.

Hetuesit janë duke punuar në koordinim të plotë me prokurorin e shtetit për të sqaruar të gjitha rrethanat e këtij rasti.