Prishtina befason Liburnin në Gjakovë, eliminon kuqezinjtë dhe kualifikohet në finale të Kupës

Mabetex Prishtina ka befasuar Liburnin në Gjakovë, duke e eliminuar nga garat e Kupës së Kosovës në futsall.

Prishtinasit morën një barazim, që i mjaftoi për të eliminuar kuqezinjtë.

Ndeshja në palestrën “Shani Nushi” u mbyll me rezultat të barabartë, 1:1.

Kësisoj, Prishtina u kualifikua në finale pasi që ndeshjen e parë e kishte fituar 3:2.

Në finale, Prishtina takohet me rivalin e qytetit, Prishtina 01.

Finalja zhvillohet më 17 shkurt në Pallatin e Rinisë dhe Sportit në Prishtinë.