Zbulohet çmimi i biletave për derbin Drita – Gjilani

Vëmendja në zonën e “Anamoravës” kthehet vetëm kur përplasen mes veti në derbin lokal Drita dhe Gjilani.

Në fundjavë (të dielën) pritet të zhvillohet derbi numër 31.

Përballja bëhet edhe më interesante për faktin se dy skuadrat janë në garë vetëm për titullin kampion, pasi që janë eliminuar nga gara e Kupës dhe gabimi në këtë sfidë është i pafalshëm.

Ndërsa, interesimi për ta ndjekur derbin nga shkallët e stadiumit është jashtëzakonisht i madh.

Tashmë, Gazeta “Sheshi” ka kontaktuar drejtuesit e klubit ‘bardhekaltër’ që kanë konfirmuar që bileta për derbin e së dielës do të kushtojë 3 euro.

Çmimi do jetë i njëjtë në tri tribunat.