Zyrtare: Legjenda e futbollit gjerman largohet nga skuadra e Bundesligës

Trajneri i mirënjohur gjerman, Jurgen Klinsmann, ka dhënë dorëheqje nga posti i trajnerit në skuadrën gjermane Hertha Berlin, shkruan Zëri.info.

Humbja që pësoi kundër Mainzit në javën e kaluar si duket se ka qenë fundi i aventurës së legjendës gjermane në krye të skuadrës nga kryeqyteti gjerman.

Klinsmann në profilin e tij zyrtar në Facebook, pak minuta më parë ka bërë të ditur se do të jap dorëheqje të menjëhershme, duke theksuar se qysh në fillim i ka munguar besimi dhe mbështetja nga udhëheqësit e klubit, për ta ngritur klubin më lartë.

Klinsmann do të largohet nga pozita e trajnerit, por ai do të jetë pjesë e klubit, pasi do të jetë anëtar i bordit ekzekutiv.

Aventura e legjendës gjermane si trajner tek Hertha zgjati vetëm 10 javë. /Zëri.info