Inva Mula me koncert humanitarë në Durrës
Sopranoja shqiptare me famë botërore, Inva Mula, ka paralajmëruar një koncert humanitar në Shqipëri, më saktësisht në qytetin e Durrësit.
Përmes një postimi të publikuar në rrjetin social, Instagram, ajo ka njoftuar se koncerti do të mbahet më 7 dhjetor në teatrin e qytetit të Durrësit dhe ka për qëllim grumbullimin e parave për t’u dalë në ndihmë të prekurve nga tërmetet e fundit në Shqipëri.
E njëjta po ashtu u ka bërë thirrje edhe artistëve të tjerë që të solidarizohen sa më shumë me popullin shqiptar.