Para 6 viteve, James Rubin i pari kërkoi largimin e krahut të luftës nga pushteti

Pas katërmbëdhjetë vjetëve që ishte kthyer në Kosovë, pikërisht në vitin 2013, ish-diplomati amerikan James Rubin, ishte i pari që kërkoi largimin e “krahut të luftës” në Kosovë nga pushteti, ndonëse u shprehte mirënjohje për kontributin e dhënë gjatë luftës së fundit me Serbinë.

Në një intervistë për të përditshmen “Zëri” në nëntor të vitit 2013, Rubin deklaroi se është koha kur “krahu i luftës” do ta kuptojnë se është mirë të largohen nga pushteti derisa janë ende të popullarizuar dhe të mos presin derisa është shumë vonë.

Kjo gjë edhe ndodhi në zgjedhjet e së dielës, kur partitë e krahut të luftës dolën si mos më keq në zgjedhjet e parakohshme parlamentare, përderisa lëvizja “Vetëvendosje” e Albin Kurtit doli e para dhe Lidhja Demokratike e Kosovës me kandidate për kryeministre Vjosa Osmanin mbeti e dyta.

Partia Demokratike e Kosovës, të cilën e udhëheq Kadri Veseli, u radhitë e treta në zgjedhje, partia e ish-kryeministrit Ramush Haradinaj (AAK) e katërta me vetëm 11.5 për qind të votave, ndërsa NISMA E Fatmir Limja sipas rezultateve të deritanishme nuk e ka kaluar pragun zgjedhor prej 5%.

Më poshtë mund ta gjeni një pjesë të intervistës të James Rubin dhënë gazetës “Zëri” në nëntor të vitit 2013:

 Është kthyer në Kosovën krenar që e ka ndihmuar këtë vend 14 vjet më parë, merita të mëdha i jep edhe miqve të tij të UÇK-së të cilëve u është mirënjohës për kontributin dhënë Kosovës. Por, sot më shumë se një dekadë nga përfundimi i luftës, ish-diplomati amerikan, James Rubin shpreson se duhet të vijë koha kur krahu i luftës do ta kuptojnë se është mirë të largohen nga pushteti derisa janë ende të popullarizuar dhe të mos presin derisa është shumë vonë.

Në intervistën dhënë gazetës “Zëri”, Rubin, rikujtojë sfi dat në kohët më të rënda për Kosovën, flet për miqtë e tij të UÇK-së dhe kontributin që kanë dhënë gjatë luftës, por jep edhe mesazh të qartë për ata.

“Unë shpresoj që njerëzit të cilët kanë qenë aq të rëndësishëm për revolucionin tuaj, për lirinë tuaj e kanë mençurinë të largohen sa janë në majë të suksesit të tyre”, ka thënë Rubin për “Zëri”.

Rubin thotë se nuk dëshiron të jetë si diplomatët e dikurshëm të Departamentit të Shtetit kur kanë zgjedhur se me cilin krah të luftës duan të bashkëpunojnë, dhe se kosovarët nuk duhet pritur që ai të vijë e të tregojë se çfarë zgjedhje duhet bërë.

“Nuk dua të jem si ata diplomatët e Departmanentit të Shtetit që zgjidhnin ‘jo unë dua të punojë me njerëzit e Rugovës e jo me ata të UÇK-së’. Nuk dua të bëhem sikur ata shërbyesit e zyrës për punë të jashtme që thonin ‘unë e dua këtë njeri të UÇK-së e jo atë tjetrin. Kush jemi ne që të bëjmë zgjedhje të tilla… mos prisni që unë të vij këtu e t’iu them se kush duhet të jetë lidershipi juaj”, ka thënë Rubin.

Ai porositë se sido që të të jetë e ardhja e tyre në pushtet ata duhet të punojnë shumë që vendi të zhvillohet e të mos lejojnë që gjendja e rëndë sociale të shfrytëzohet nga grupe radikale fetare. Ai kujton se gjatë luftës ka pasur shtete evropiane që e kritikonin ashpër Amerikën se po mbështet një vend që ka rrezik të bëhet shtet radikal islamik.

“Unë kam ardhur këtu dje pas një periudhe 10- vjeçare dhe më duhet të them se jam mjaft i impresionuar me ndryshimet fizike që kanë ndodhur këtu në 10 vitet e fundit. Janë bërë ndryshime të mrekullueshme në aspektin e rrugëve, ndërtesave dhe infrastrukturës. E dini, pas lirisë, modernizimi në Evropën e vitit 2013 është e komplikuar dhe është e qartë se këtu nevojitet më shumë punë dhe përmirësime.

Jam mjaft i lumtur të shoh sesi njerëzit këtu jo vetëm që e kanë fituar lirinë por e kanë shfrytëzuar mirë atë, duke arritur në pikën kur armiqtë e mëparshëm janë në gjendje të ulen së bashku duke e lënë të kaluarën prapa duke u fokusuar në çështjet e të ardhmes, e cila është shumë gjë e rrallë në botën moderne, pasi bota moderne kryesisht me historitë që ne fokusohemi, çështjet me të cilat ne përballemi janë mjaft brengosëse sikur çështja e Sirisë, Iraku, Afganistani dhe duke bërë krahasime, Kosova është një tregim i suksesit të komunitetit ndërkombëtar,Amerikës dhe të tjerëve