Feronikeli - The New Saints, Malsor Gjonbalaj me një parashikim interesant për fituesin

Feronikeli do ta zhvillojë të martën ndeshjen e kthimit kundër The New Saints në Ligën e Kampionëve, shkruan Zëri.info.

Skuadra nga Drenasi është nikoqir i kampionit të Uellsit në Prishtinë në kuadër të rrethit eliminator në Ligën e Kampionëve.

Ndeshja e parë në Uells mbaroi me rezultat 2:2, ndërsa "Xehtarët" synojnë kualifikimin të martën për në rrethin vijues.

Drejtori sportiv i Feronikelit, Malsor Gjonbalaj ka thënë se skuadra që do të fitojë është ajo që ka gjetur gabimet e kundërshtarit më mirë në ndeshjen e parë.

"Përparësi është që tashmë e kemi zhvilluar një ndeshje kundër TNS", tha fillimisht Gjonbalaj në "2 me 1", përcjell Zëri.info.

"Fituese do të jetë skuadra që ka gjetur më së miri gabimet e kundërshtarit nga ndeshja e parë", vlerësoi Gjonbalaj./Zëri.info