Liderët nga Maqedonia Veriore, gaz i botës në autostradën “Arbën Xhaferi”

Autostrada “Arbën Xhaferi” është e gjatë 65.5 kilometra dhe krahas “Bechtel & Enkës”, kanë punuar edhe 900 kompani vendore me gjithsej 9449 punëtorë, duke u bërë gjenerues i vendeve të punës për 5 vite me radhë. Kjo autostradë ka urën më të gjatë në rajon me gjatësi prej 5.7 kilometra.

Pas përurimit të autostradës “Arbër Xhaferi” nga Prishtinë deri në kufi me Maqedoninë e Veriut, ka reaguar profesori Arsim Sinani.Në një status në facebook, ai kritikon ashpër politikanët nga Shkupi që morën pjesë në përurimin e autostradës dhe i quan të paaftë që të ndërtojnë 15 kilometra autostradë nga Shkupi deri ne Bllacë për t’u lidhur me Kosovën.

“Se kuptoj ‘liderët” e Maqedonisë Veriore se si vijnë të festojnë në përurimin e autostradës Arbën Xhaferi në Kosovë, kur edhe derisa flasim nuk janë në gjendje 15 km tia bashkangjesin Kosovës. Çka festojnë sot ditën e Shën Gjergjit apo Autostratdën Arbën Xhaferi që e ndërtoi Kosova. Punoni pak se na lodhët me foto lidheni autostradën e Shkupit se u bëtë gaz i botës, lidership i Maqedonisë Veriore”, shkruan Sinani në facebook.