'LDK kërkon vetëm zgjedhje të reja'
Lidhja Demokratike e Kosovës (LDK), vazhdon të insistojë në zgjedhje të reja.
Lidhja Demokratike e Kosovës nuk do të marrë pjesë në një qeveri edhe nëse kjo aktualja bën rikonfigurim total.
“Ne kërkojmë shkarkimin e kësaj qeverie dhe shkuarjen në zgjedhje’, tha Zemaj për Klan Kosovën.
Sipas deputetit Armend Zemaj ky edhe është qëndrimi përfundimtar i kryesisë së këtij subjekti opozitar.
Por ky vendim u mor pavarësisht që ditë më parë kryetari i tyre, Isa Mustafa, la të nënkuptohej se LDK mund të bëhej pjesë e udhëheqjes së vendit, përmes një konfigurimi të ekzekutivit.
Po deklarata e tillë sipas Zemajt u keqinterpretua pasi sipas tij, Mustafa në fjalimin e tij ka tentuar të thotë që të bëhet një konfigurim total i institucioneve dhe të shkohet në zgjedhje.
Kështu, LDK krejt çka kërkon është shkarkimi i kësaj qeverie pavarësisht keqinterpretimeve e keqkuptimeve të deklaratave të mundshme të bëra nga ndonjë pjesëtar i saj.