Ka filluar festa në Rusi, pas pak ceremonia hapëse e Botërorit

Mijëra tifozë të futbollit janë mbledhur sot në kryeqytetin e Rusisë Moskë për të përcellur ceremoninë hapës të Botërorit 2018.

Ndeshja e parë sigurisht i takon mikpritësit, transmeton GazetaExpress.

Është Rusia që do të luaj kundër Arabisë Sauditë në edicionin e 21’të të turneut më të madh global të sportit në botë.

Si tifozët e Rusisë ashtu edhe të Arabisë janë parë duke u bashkuar rreth stadiumit Luzhniki derisa nuk kanë munguar këngët e ndryshme, vallëzimet dhe festa e të dyja palëve.

Tashmë gjithçka është gati ku për afër 4 javë do të jemi me sy nga Rusia ku 32 Kombëtare marrin pjesë për ta fituar Kupën e Botës.