Juventusi, 10 milionë euro në sezon për Ozilin

Mesut Ozil nuk do të luaj më në Angli, por në Itali, kështu pritet të ndodhë sipas britanikes Daily Mail.

Sipas raportimit të kësaj të fundit, 29-vjeçari pritet që të largohet në muajin qershor me parametra zero nga Arsenal, e shërbimet e mesfushorit gjerman janë të shumta ekipet që i duan.

Por duket se Juventus është në krye të të gjithave, duke i bërë edhe një ofertë paraprake Mesut Ozil.

10 milionë euro në sezon, raporton Daily Mail, është oferta e italianëve, ndërsa ende nuk kanë përcaktuar jetëgjatësinë e kontratës që Ozil do të firmosë në qershor me bardhezinjtë e Juventus.