Kështu duken Grupet A,B,C e D të Championsit pas ndeshjeve të sontme

Barcelona e ka deklasuar Juventusin, të cilin e ka mposhtur me rezultat të thellë 3:0, në ndeshjen e zhvilluar sonte, në kuadër të fazës së grupeve të Ligës së Kampionëve. Lionel Messi ka qenë i pandalshëm për “Bianconeri” duke shënuar dy gola, një në pjesën e parë në minutën e 45-të dhe një tjetër në atë të dytë (69’), derisa Ivan Rakitic e ka shtuar një tjetër në minutën e 56-të.

Kurse, Olympiacosi i Besnik Hasit, që luan në të njëjtin grup, atë D, u mund nga Sportingu në shtëpi, 2:3.

Ndërkohë, fitore të thella kanë shënuar edhe skuadrat tjera të mëdha. Manchester United është rikthyer në Champions me fitore 3:0 ndaj Baselit të Taulant Xhakës, i cili u ndëshkua me karton të verdhë në minutën e 82-të. Marouane Fellaini (35’), Romelu Lukaku (53’) e Marcus Rashford (84’), ia kanë sjellë tri pikët e para ekipit të Jose Mourinhos në Grupin A.

Në grupin B, Bayerni fitoi pa problem ndaj Anderlechtit, 3:0. Për gjigantin bavarez golashënues ishin: Robert Lewandowski nga penalltia (12’), Thiago Alcantara (65’) e Joshua Kimmich (90’). Belgët luajtën me një lojtar më pak nga minuta e 11-të kur u përjashtua Sven Kums.

Në ndeshjen tjetër të grupit, Paris Saint-Germaini ishte bindës ndaj Celticut, të cilin e mposhti në udhëtim 5:0. Edinson Cavani ka shënuar dy gola (40’ nga penalltia e 85’), kurse nga një e kanë shtuar Neymar (19’), Kylian Mbappe (34’) e Mikael Lustig autogol (83’).

Në Grupin C, Chelsea e shkatërroi Qarabag FK, të cilin e mundi 6:0. Golat për “Blues” i shënuan Pedro Rodriguez (5’), Davide Zappacsta (30’), Cesar Azpilicueta (55’), Tiemoue Bakayoko (71’), Michy Batshuayi (76’) e Maksim Medvedev autogola (82’). Në duelin tjetër të këtij grupi, Roma barazoi pa gola me Atletico Madridin, 0:0. /Zëri/

Liga e Kampionëve

Grupi A

Benfica – CSKA         1:2      

Man United – Basel    3:0

Tabela

1. Man Utd     1          3

2. CSKA         1          3

3. Benfica        1          0

4. Basel           1          0

Grupi B

Bayern – Anderlecht   3:0

Celtic – PSG               0:5

Tabela

1. PSG             1          3

2. Bayern         1          3

3. Anderlecht  1          0

4. Celtic           1          0

Grupi C

Chelsea – Qarabag      6:0

Roma – Atl. Madrid   0:0

Tabela

1. Chelsea        1          3

2. Atl. Madrid    1          1

3. Roma           1          1

4. Qarabag       1          0

Grupi D

Barcelona – Juventus              3:0

Olympiacos – Sporting           2:3

Tabela

1. Barcelona    1          3

2. Sporting      1          3

3. Olympiacos 1          0

4. Juventus      1          0